Dag to nærmar seg slutten, og me har fått gjort og opplevd veldig mykje. Sikkert av begrensa interesse å høyre i detalj, men en nemner i fleng; jordskjelvmuseum, trasking og handling i ei 2 km lang innadørs handlegate, japansk gudsteneste, kyrkjemat (suppe og ris) og sushi-eting, frappe på starbucks, shopping (mest av varianten vindus ;o) ), tofu og nuddelsuppe, omvisning i byen og havna.

Kobe tower til venstre. Det kvite skjelettet litt til høgre var eit sjøfartsmuseum (viss eg hugsar rett...)

Må berre få sagt et; makan til kult land! Eg elskar alt med Japan som eg har opplevd så langt! Folk er trivlege og lette å få kontakt med utan å vera innpåslitne, her i Kobe klimaet er litt varmare enn i Noreg (ein del varmare på denna årstida), byen har rein luft, og er ryddig og rein, shoppinga er ”desverre” kjempebra, utruleg masse trendy og kult kledde folk, masse fine blomar overalt, fin natur, spanande og veldig annleis kultur generelt på mange område, samstundes som mykje er likt. Td er det letta å tabbe seg ut skal ein ta bussen; ein går på bussen bak, av framme, og betalar når ein er ferdig med bussturen! Dessutan er dei orange seta er for eldre, gravide og handikappa. Jammen godt me har med erfarne ”turleiarar” som har budd mange år i Japan! ;)

På detta innlegget var meininga og vega opp for teksten med masse bilete, men av ein eller annan grunn har dataen min bestemt seg for at det skal ta ein time og laste opp kvar av dei veldig komprimera bileta, i motsetnad til feks på romveninna mi, Torill, sin blogg. Bu. Sjekk forresten gjerne ut hennar blogg på: http://lillekinder.blogspot.com/ =)